Ахсынньы 19 күнүгэр Орто Халыма «Родина» успуорт уораҕайыгар, оҕолорго, «Боотур» оҕо спортивнай оскуолатын 25 сыллаах үбүлүөйүгэр аналлаах улуустааҕы көҥүл тустуу күрэҕэ буолан ааста. Бэтэрээн-тириэньэрдэр бириистэригэр үгэс курдук 8-с төгүлүн ыытыллыбыи успуорт бырааһынньыгар 6 хамаанда (Орто Халыма к, Өлөөкө Күөлэ, Эбээх, Сыбаатай, Ойуһардаах, Сылгы Ыытар) уопсайа 76 оҕо кытынна.
Көҥүл тустуу балаһыанньатынан, 20к саҕалаан, 63 киилэттэн үөһээ ыйааһыннаах эдэр бөҕөстөр көбүөргэ көрүстүлэр. Чөмпүйүөннэр уонна призердар «Боотур» ОСО педагог- бэтэрээннэр, тириэньэрдэр, урбаанньыт-успуонсардар, успуорду көҕүлүүр тэрилтэ салайааччыларын ааттарыттан : Стручков А.Аф.; Сыроватский П.И.; Шкулев П.Е.; Бандерова Л.И.; Бережнов Г.С.; Ефимов С.Г.; Сухомясов Александр Васильевич дьиэ кэргэнэ; Третьяков Константин Васильевич дьиэ кэргэнэ; Росгвардия; Баһаарынай чаас; Орто оскуола; РЭС; Орто Халыма дьаһалтата; КЕН и Компаньон; «Аартыка суоллара» анал бириистэринэн , уу харчынан наҕараадаланнылар, «Боотур» 25 сыллаах мэтээллэрин кэттилэр.
Ааптар Саргылана Кокорина