2022 сыллаахха биһиги дьиэ кэргэммит тутаах дьоно, кэргэттэрбит, аҕаларбыт анал байыаннай дьайыыга суһал хомуурга хапсан, күн бүгүҥҥэ диэри Дойдуларын иһин чиэстэрин бэриниилээхтик толоро сылдьаллар.
Онтон ыла элбэх күн, уһун түүн ааста. Күүтүү курус кэмнэриттэн ыарахан туох тэҥнэһиэй… Ол эрэн, санаабытын сайҕыыр, өйөбүл тирэх буолар чугас дьоммут, биир дойдулаахтарбыт, амарах санаалаах айыы дьоно баар буолаҥҥыт үтүөҕэ эрэлбит күүстээх.
Ол курдук анал байыаннай балаһыанньа туруоҕуттан улуус дьаһалтата, үлэ тэрилтэлэрэ, уопсастыбаннай түмсүүлэр, туһунан инициативалаах дьон, кэлиэгэлэрбит, биирдиилээн дьон көмөтүнэн элбэх аахсыйа көмө быһыытынан тэриллэн, үгүс үп киирдэ, ас-таҥас, тустаах тээбирин ыытылынна.
Онон бу күҥҥэ диэри күүс-көмө буолар бука бары, ыраах-чугас баар биир дойдулаахтарбытыгар, дьоммутугар-сэргэбитигэр барҕа махталбытын биллэрэбит, үтүө көмөҕүт иһин сиргэ тиийэ сүгүрүйэбит.
Үтүө санааҕыт хаһан да уостубатын, барыгытыгар дьоллоох олоҕу, кытаанах доруобуйаны, ыраас, эйэлээх халлааны баҕарабыт. Үтүө санааҕыт сүүс төгүл үтүөнэн эргийдин!
Ааптар: Анал байыаннай дьайыыга кытта сылдьар буойуттар дьиэ кэргэттэрин ааттарыттан Елизавета Созонова уонна Таисия Львова, Орто Халыма к.