Бу өрөбүллэргэ, Орто Халымалар иккис сылбытын «Дыгын оонньууларын» күөх экран нөҥүө, дьоллоохтор илэ Үс Хатыҥҥа, өрө көтөҕүллүүлээхтик көрөр чиэскэ тигистибит.
Ол курдук Алаһыай нэһилиэгиттэн төрүттээх спорстмен уолбут Алексей Созонов сылы быһа үс сүүмэрдээһини ааһан, 16 бастыҥ бөҕөс ахсааныгар киирэн өрөспүүбүлүкэтээҕи многоборьеҕа иккис төгүл кытынна. Орто Халыма улууһун былааҕа Улуу Туймаада хочотугар өрө күөрэйэрэ көрөргө астык.
Алексей биир баһыйар көрүҥэр, Ох ытыытыгар боруонса мэтээли кэттэ. Бу бииргэ үлэлиир тириэньэрин Максим Кудрин ситиһиитэ эмиэ буолар. Дойдуларын ааттатар, үлуустарын чиэһин көмүскүүр, успуорду, чөл олоҕу пропагандалыыр, холобур буолар уолаттарбытыгар махтаныах, киэн туттуох эрэ тустаахпыт.
Алексей аҕыйах хонугунан аны Таатта улууһугар ыытыллар Манчаары оонньууларыгар кыттыаҕа. Уолбутугар ситиһиини баҕарыаҕыҥ, онно дьэ, бэйэтин көрүҥнэригэр ситиһиилээхтик кыттыаҕа диэн эрэнэбин.
Ааптар: Саргылана Кокорина
Хаартыска: Максим Кудрин