Кулун тутар 21-23 күннэригэр, Орто Халыма улууһун Алаһыай нэһилиэгэр, 1970с. Мас тардыһыыга Саха АССР сайыҥҥы спартакиадатын чөмпүйүөнэ, «Манчаары оонньууларын» национальнай успуорт көрүҥнэригэр 1981 сыллаахха абсолютнай чөмпүйүөнэ Константин Константинович Созонов аатыгар уонна кини 75 сааһыгар аналлаах өрөспүүбүлүкэтээҕи Мас тардыһыы турнира буолара былааннанар.
Манна 18 саастарыттан, эр дьон (60, 65,70,75,80 киилэттэн үөһэ) ыйааһыннарынан, кэрэ аҥардар (60, 60-тан үөһээ), бэтэрээннэр (75, 75-тэн үөһээ), (1972 с.т.дьон 65, 65 үөһээ) ыйааһынынан киириэхтэрэ. Муҥутуур кыайыылаахтар бириистэрэ, эр дьоҥҥо 75-кэ диэри уонна үөһээ ыйааһыннарынан олохтоммут.
Балаһыанньаҕа кэккэ ирдэбиллэр бааллар, тэрийэр хамыыһыйа, кыттааччылары болҕойон үөрэтэргитигэр, бэлэмнэнэргитигэр ыҥырар.
Тэрээһин сүрүн бириистэрэ, Орто Халыма улууһун дьаһалтата, Алаһыай нэһилиэгин салалтата, баһылыга, Константин Константинович оҕолоро, аймахтара, көхтөөх успуонсардар көҕүлээһиннэринэн номнуо оҥоһуллан, бэйэлэрин хаһаайыттарын күүтэллэр.