Үөрэх дьыла түмүктэнэн эксээмэннэр кэмнэрэ кэллэ. Г.Г.Софронов аатынан Өлөөкө-Күөллээҕи орто оскуола 9-ус кылааһын быйыл 11 оҕо бүтэрдэ.
Кинилэр биологияны, химияны дириҥэтэн үөрэтиигэ талан сыл устата бэлэмнэммиттэрэ. Онон тургутууларын этэҥҥэ туораан бары туттардылар. Оттон үөрэх туйгуннара Сухомясова Ксения уонна Ефимова Роксана кыһыл аттестат ыллылар.
Кинилэр кыра кылаастан ыла туйгун үөрэнээччилэр. Химия эксээмэнин иккиэн «5»-кэ туттарбыттара. Инникитин мэдиссиинж идэтин талар баҕа санаалаахтар. Кыргыттарбытын ситиһиилэринэн үөрэн туран эҕэрдэлиибит. Инникитин да сыалларын ситиһэн иһэр дьон буоларгытыгар баҕарабыт, эрэнэбит.
Ааптар: Изабелла Ноговицына, Өлөөкө Күөлэ