Бары үөрэх тэрилтэлэригэр үөрүүлээх тэрээһиннэр буоллулар. Уопсайа, улуус үрдүнэн 986 оҕо оскуолаларга үөрэниэ, кинилэртэн 59 үөрэнээччи аан бастакынан оскуола боруогун атыллаата.
Үөрэнээччилэргэ, учууталларга саҥа үөрэх сылыгар саҥа ситиһиилэри, сонун тэрээһиннэри баҕарабыт.
Быйыл оскуоланы ситии-хотуу аттестааттаах 89 оҕо бүтэрбититтэн, 88 бүтэрээччи үөрэх араас кыһаларыгар киирбит, кинилэртэн 78 орто анал үөрэх, 10 үрдүк үөрэх устудьуоннара буолбуттар.
Тохсус кылаас кэнниттэн 20 оҕо, онус кылааһы бүтэрээччилэртэн алтата орто анал үөрэххэ туттарсан киирбиттэр.
Устудьуон үрдүк аатын ылбыттарга анал идэлээх дойдуларыгар төннөллөрүгэр баҕарыаҕыҥ.
Ааптар: Светлана Третьякова