1. Социальный педагогпут Кудрина Е.А. «Россия — мои горизонты» федеральнай программаны билиһиннэрдэ, быйыл үлэ хайдах былааннах барарын, ким ыытарын быһаарда,темаҕа сөптөөх видеолары, презентациялары көрдөрөн ырытыыны ыытта, үөрэххэ туттарсыыга араас ситуациялар буолалларын кэпсээтэ.
2. Оскуолабыт психолога Шкулев М.М. ПМПК үлэтин туһунан кэпсээтэ, онуоха ханнык докуменнар, материаллар наадаларын бигэргэттэ. ПМПК үлэтэ оҕоҕо, төрөппүккэ, учууталга көмө буоларын өйдүүллэригэр быһаарда.
3. Иитэр үлэ завуһа Лаптева А.С. «Ранняя половая жизнь и её последствия» диэн темаҕа кэпсэтти ыытта, оҕолору кытта эрдэттэн, саастарыгар сөп түбэһиннэрэн аһаҕастык, өйдөһөн кэпсэтэри сүбэлээтэ.
4. Үөрэх завуһа Татаринова Т.С. оҕолорго телефонунан араас куһаҕаҥҥа кучуйар суруктар, звоноктар кэлэллэрин хонтуруолга ылары сүбэлээтэ. Маны таһынан төрөппүт кэмитиэтигэр саҥа биэс киһилээх састаап талылынна.
Быйыл дойдубут Президенэ В.В.Путин ыйааҕынан, үөрэнэр кэмҥэ телефону туттуу бобуулааҕын, улахан наадаҕа эрэ туттуллуон сөп диэн этэн турар.
Бу укааһы ырытан баран, кыра бөһүөлэккэ суотабай төлөпүөн үөрэх кэмигэр улахан наадата суоҕун быһаардыбыт, суһал наадаҕа кылаас салайааччыта, учууталлар куруук оскуолаҕа бааллара биллэр.
Перемена кэмигэр оҕо сынньанара, атыҥҥа аралдьыйбата, ол кэриэтин этин сиинин уһугуннаран хамсанара ордук диэн түмүккэ кэлэн, сөпкө өйдөөн, төрөппүттэр быһаарыыларынан оҕолор суотабай төлөпүөнү аҕалбаттар диэн мунньах боротокуолугар киллэрдибит.
Бу мунньахха өйдөөн, өйөөн кэлбит төрөппүттэргэ махтанабыт. Оҕолорбут иннилэригэр бииргэ үлэлээтэхпитинэ эрэ ситиһии кэлэрин бука бары билэбит.
Автор: Васильева М.Н., Хатыҥнаах