Быйыл дойдуга «Педагог уонна уhуйааччы» сыла биллэриллэн турар. Онон сиэттэрэн, мин бастакы учууталым Розалия Николаевна Тарасова туhунан кэпсиэхпин баҕарабын.
Биhиги бастакы кылааска 7 оҕо буолан үѳрэнэ киирбиппит. Ааҕарга, суоттуурга үѳрэммиппит, араас таһымнаах олимпиадаларга, күрэхтэргэ кыттан кыайарбыт, үѳрэхпитигэр эбии билиини ыларбыт. Биhиги Розалия Николаевнаҕа 8 выпуск буолабыт.
Мин учууталбын кытта оскуола иhинэн ыытыллар «Явловскай ааҕыылара» НПК-ҕа «Тѳрѳѳбүт дойдугун тѳhѳ билэҕин?» диэн Сылгы Ыытарым туhунан оонньуу айан оҥорбуппут. Саха тылын учуутала Наталья Евгеньевналыын үлэлэрбитигэр олоҕуран, Орто Халыма куорат, улуус, нэhилиэктэр историяларынан ыйытык-оонньуу айбыппыт уонна ону тэҥэ, академик В.А.Роббек аатынан ыытыллар «Колымский исследователь» X-с научнай-практическай кэмпириэнсийэҕэ «Знать и любить родной край!» Саха сирин улуустарын туhунан ис хоhоонноох ыйытык-оонньуу оҥорон таһаарбыппыт.
Розалия Николаевна араас таhымнаах оскуола, нэhилиэк уонна улууска буолар күрэхтэр көхтөөх кыттыылааҕа, бэтэрээннэр спартакиадаларын волейболга, сүүрүүгэ бастыҥ спортсменката буолар.
Үлэтин түмүгүнэн, бэрт элбэх ситиhиилэрдээх, араас наҕаараадалаардаах. Ол курдук, РФ уопсай үөрэхтээһинин Бочуоттаах үлэһитэ, «Учууталлар учууталлара» бэлиэ хаһаайына, Саха Өрөспүүбүлүкэтин норуот үөрэхтээһинин туйгуна, РФ Үөрэхтээһинин министиэристибэтин Бочуоттаах кыраамататынан уонна Боропсойуус 100 сыллаах үбүлүөйдээх мэтээлинэн наҕараадаламмыта.
Ону тэҥэ, успуорт араас көрүҥнэригэр, уопсастыбаннай үлэтин иһин наҕараадата элбэх. Бу курдук, олоххо киэҥ кѳрүүлээх, үрдүк таhымнаах учууталбытынан киэн туттабыт. Инникитин үѳрэтэр оҕолоруҥ үрдүк билиилэрэ, таhымнара эн үтүө ааккын ааттата турдуннар.
Ааптар: Антон Антипин, А.Н.Явловскай аатынан Сылгы Ыытардааҕы орто оскуола 11 кылааһын үѳрэнээччитэ
Хаартыска: Розалия Николаевна үөрэнээччитин кытта