Төрөөбүт тыл уонна сурук-бичик күнүн чэрчитинэн ыытыллыбыт, Дойду үрдүнэн дьиэ-кэргэн, Саха Сиригэр оҕо саас, Орто Халыма улууһугар үөрэхтээһин сылларыгар аналлаах «Кэскиллээх кэпсээнньит -2024» улуустааҕы күрэххэ, оҕо уһуйааннарыттан уопсайа 6 иитиллээччи кыттыыны ылла.
Күрэх сыалынан-соругунан, оҕо санаатын сайа этэр, саҥарар, уус-ураннык ааҕар дьоҕурун сайыннарыы, Орто Халыма оҕо уһуйааннарын иитээччилэрин ааптарыскай остуоруйаларын, кэпсээннэрин үйэтитии, тарҕатыы, уран тыл күүһүнэн төрөөбүт дойдуга тапталы иитии, саҥа талааннары арыйыы.
Тэрийбит кэмитиэт дьүүллүүр сүбэтин быһаарыытынан «Сэргэх кэпсээнньит» анал аат «Кэскил» оҕо сайдар киинин иитиллээччитигэр Олеся Третьяковаҕа иҥэрилиннэ (Налимскай, уһуйааччы — Любовь Николаевна Вирячова), «Истиҥ кэпсээнньит» «Чэчир» оҕо уһуйаанын иитиллээччитигэр Туймаада Васильеваҕа (Хатыҥнаах, уһуйааччы — Вера Михайловна Лаптева), «Көхтөөх кыттааччы» анал аат «Кэнчээри» оҕо уһуйаанын иитиллээччитигэр Валерия Слепцоваҕа (Сылгы, Ыытар, уһуйааччы — Анна Иннокентьевна Лаптева) ананнылар.
- Үрдэл III-c үктэлэ «Сказка» оҕо сайдар киинин иитиллээччитэ Ратмир Устенков, (уһуйааччы Александра Ивановна Оконешникова);
- Үрдэл II үктэлэ — «Ладушка» оҕо уһуйаанын иитиллээччитэ Каролина Жирковаҕа
(уһуйааччы Алена Дмитриевна Тарасова); - Үрдэл I үктэлэ — «Саһарҕа» оҕо уһуйаанын иитиллээччитэ Күннэй Оконешникова
(уһуйааччы Варвара Дмитриевна Оконешникова, Виктория Егоровна Афанасьева)ыллылар.
Оҕо төрөөбүт тылынан бэргэнник, хомоҕойдук, уус-ураннык, сыыс тыла суох кэпсиир дьоҕурун сайыннарыыга, оҕо айымньыны ис хоһоонун туттан-хаптан, уобарастаан, куолаһын уларытан, ойуулуур-дьүһүннүүр тыллары туттан чуолкайдык кэпсииригэр болҕомтону уурарга ынырабыт.
Тэрийбит кэмитиэт: «Кэнчээри» оҕо уһуйаанын кэлэктиибэ, Сылгы Ыытар бөһ.
