Орто Халыма улууһун баһылыга Иван Лаптев 2024 сылы түмүктүүр отчуота саҕаланна. Мунньах бигэргэммит кыраапыгынан, тохсунньу 21 күнүгэр Хатыҥнаах нэһилиэгэр ыытылынна.
Тохсунньу 23-гэр — Арҕахтаахха, 24-гэр — Сыбаатай-Эбээх; 25-гэр — Өлөөкө Күөлүгэр, 27-гэр — Ойуһардаах — Сылгы Ыытар, 28-гар — Налимскай, 29-гар — Березовка, 31-гэр — Орто Халыма куоратыгар буолара былааннанар.
Хатыҥнаахха улуус баһылыгын кытта Орто Халыматааҕы кииннэммит балыыһа кылаабынай бырааһын э.т.И.А.Нетребенко, улуустааҕы тыа хаһаайыстыбатын управлениетын начаалынньыга Д.Н.Винокуров, улуустааҕы үөрэх управлениетын исписэлииһэ Е.М.Слепцова, үлэ уонна социальнай көмүскэл салалтатын исписэлииһэ М.В.Винокурова нэһилиэнньэни кытта көрүстүлэр.
Мунньахха 20 тахса боппуруос уонна этинии киирдэ. Үгүс болҕомто үөрэх салалтатыгар, тыа хаһаайыстыбатыгар, доруобуйа харыстабылыгар, Олоҥхо ыһыаҕар, анал байыаннай дьайыы кыттыылаахтарыгар, уо.д.а.уурулунна. Кэлбит хамыыһыйа бары боппуруостарга хоруйдаата, быһаарыллыах боппуруостары үлэ соругар киллэрдэ.
Ааптар: Саргылана Кокорина