Аҕа баһылыкпыт, Иван Васильевич Лаптев дэлэгээссийэтигэр, улуустааҕы тыа хаһаайыстыбатын управлениетын начаалынньыга Дмитрий Винокуров, Орто Халыматаагы нэhилиэнньэ уонна үлэ социальнай көмүскэлин комплекснай киинин сүрүннүүр исписэлииһэ Маргарита Винокурова, Орто Халыматааҕы кииннэммит балыыhа кылаабынай бырааһын э.т. Иван Нетребенко, опека уонна попечительство уорганын салайааччыта Айыына Бандерова кэлэн үлэлээтилэр.
Мунньах улуус сыллааҕы үлэтин көрдөрөр видеопрезентацияттан саҕаланна. Салҕыы кэлбит ыалдьыттарбыт туһааннаах үлэлэрин сырдатар иһитиннэриилэри оҥордулар. Иван Васильевич олохтоох урбаанньыттарга «Дуняша» маҕаһыыннаах Е. Г. Томская уонна «Уйгу» маҕаһыыннаах Винокурова А.В. нэһилиэккэ атыы-эргиэн сайдыытыгар кылааттарын иһин улуус аҕа баһылыгын добун суруктарын туттартаата. Саалаҕа толору мустубут олохтоохтор кыһалҕаларын этиннилэр, ыйытыылары да биэрдилэр.
Ол курдук, улууска благоустррйство сыла биллэһиллибитинэн, сайыҥҥы кэмнэргэ сынньалаҥҥа аналлаах аквапаарка тутуллуута наадатын, доруобуйаларынан хааччахтаах оҕолорго ПМПК хамыыһыйата кэлэн үлэлииригэр улуустан сайаапка барара наадатын, үөрэхтээһин салаатыгар оскуолаларга уматык көрүллэригэр, ыраах нэһилиэктэргэ эбии бэриллэрэ наадатын, улууска ыытыллар тэрээһиннэри хос-хос түбэһиннэртээбэт курдук былааны эрдэттэн сааһылыыры, паспорт биэрэр тэрилтэ үлэһитэ нэһилиэктэринэн сылдьан үлэлиирэ наадатын туһунан туруорустулар.
Иван Васильевич бары киирбит ыйытыыларга эппиэт биэрдэ, туруорсуулары, этиниилэри истэн бэлиэтэннэ, быһаарыах буолан эрэннэрдэ.
Ааптар: Изабелла Ноговицына, Өлөөкө Күөлэ бөһ.