Улуустааҕы тыа хаһаайыстыбатын управлениетын салалтата иһитиннэрэринэн, балаҕан ыйын 5 күнүн туругунан, 4948 туонна от оттонуллан, былаан 90,8% тэҥнэспит.
Ол курдук тыа хаһаайыстыбатын тэрилтэтэ — 1660т (107%), нэһилиэнньэ 2200 (84,2%), тэрээһиннээх хаһаайыстыбалар 692 туонна (101%) от оттоммуттар.
Нэдиэлэтээҕи субуокка көрдөрөрүнэн, Бастакы Хаҥаластар, Алаһыайдар, Иккис Мээтистэр былааннарын куоһаран олороллор.
Бастакы Мээтистэр — 383 (95,8%), Сиэн Күөллэр — 1201т. (92,3%), Хатыҥнаахтар — 212 (84,2%), Иккис Хаҥаластар — 814т. (80,9%), Байдылар — 203туонна (40,7%) от кыстыктарыгар бэлэм буолбут.
Өлөөкө Күөллээҕи сылгы Собуота күһүҥҥү бонитировкатын түмүктээтэ. Былаан быһыытынан, кэтэх хаһаайыстыбалар уонна сылгы Собуотун Чоҥкуйа уонна Байҕал учаастактар сылгыларын көрүү-истии буолла. Үлэ түмүгүнэн сылгы Собуотугар 1122 сүөһү баара бэлиэтэммит. Мантан 547 төбө Ойуһардаах баазатын сылгытын ахсаана буолар.
Ааптар: Саргылана Кокорина