Самаан сайыммыт бүтэр уһуга көһүннэ. Атырдьах ыйын түмүктүүр нэдиэлэҕэ үктэннибит. Сүөһүбүт кыстыгар бэлэмнэнэн, сыһыы аайы кэбиһиилээх оттор кэчигирэстилэр. Күммүт-ыйбыт «оттоомохтоон хаалыҥ» диэбит курдук чаҕылыччы күнүн туруорда.
Атырдьах ыйын 25 күнүн көрдөрүүтүнэн Алаһыай отчуттара былааннарын 91%, Өлөөкөлөр 89%, Ойуһардаахтар 83%, Эбээхтэр 76%, Сыбаатайдар 75%, Хатыҥнаахтар 65%, Сылгы Ыытардар 52%, Налимскайдар 38% толорбуттар. Улуус үрдүнэн 3830 туонна от кэбиһиллибит, ол эбэтэр былаан 77% туолбут.
Ааптар: Светлана Третьякова