Байды нэһилиэгэр Хаппыт билии, Арыылаах, Хоту пиэрмэ уонна Холчур оттуур сирдэригэр ааһар айан суолугар 17 миэтэрэ усталаах саҥа муоста тутулунна.
Бу тутуллубут муостанан Бастакы Мээтискэ уонна Сиэн Күөлгэ барар айан көлөлөрө сылдьыахтара. Муоста Байды олохтоохторун көҕүлээһининэн ыытылынна. Сыбаайата саҥа маһынан оҥоһуллубут, каркааһын анал тимир матырыйаалынан (двутавр) туппуттар. Ол үрдүнэн эрбэниллибит суон бэрэбинэлэри тэлгэтэн үйэлээх гына оҥорбуттар. Онон ыар ыйааһыннаах көлө ааһарыгар муоста уйуктаах буолла.
Автор Анастасия Бережнова