Атырдьах ыйын 25 күнүттэн кыстыкка бэлэмнэнэр ититии кэмэ саҕаланна. Бу күн туругунан, Орто Халыма нэһилиэктэрин уонна куорат 4-с уонна 6-с нүөмэрдээх хочуолунайдара үлэлэрин саҕалаатылар.
6-с хочуолунай итиини биэрэр пууннара холбонон, дьиэлэргэ, социальнай суолталаах эбийиэктэргэ, толорду сылытыы бүгүҥҥүттэн сыыйа тарҕаныаҕа.
Сарсын, «Южнай» хочуолунай икки сүрүн хочуола холбоноро былааннанар.
Хара чох тиэллиитин үлэтэ 87% туолан, 2200 туонна убаҕас уматык тиэллэн турар.
Бу туһунан СӨ ОДЬКХ Орто Халыматааҕы филиалын начаалынньыга А.В.Третьяков улуус баһылыгын нэдиэлэтээҕи планеркатыгар иһитиннэрдэ.
Ааптар: Саргылана Кокорина
Хаартыска: Алена Кокорина