Арассыыйаҕа аҕа күнүн бэлиэтиир бырааһынньыкка дохсун ытыс тыаһынан алаһа дьиэ халыҥ хаххаларын, иллээх дьиэ кэргэн аҕа баһылыктарын, убаастанар убайдары, таайдары, абаҕалары уонна кинилэр ааттарын ааттатар, туйахтарын хатарар төрөппүт уолаттарын, эрэнэр бырааттарын оскуолабыт успуорт саалатыгар уруйдуу-айхаллыы көрүстүбүт.
Дьиэ кэргэҥҥэ оҕону эт-хаан өттүнэн сайыннарыы, чөл олоҕу өрө тутуу, аҕа оруолун үрдэтии, олох сыаннастарыгар эппиэтинэһи көтөҕүү сыаллаах — соруктаах икки хамаандаҕа арааран «Вместе с папой — мы сила» диэн девизтээх көрдөөх старт ыыттыбыт.
Уопсайа 32 киһи араас быһыылаах-таһаалаах, интириэһинэй түһүмэхтэрдээх күрэскэ олус эрчимнээхтик, дьаныардаах тык кытыннылар. Эр дьоннорбут түмсүүлээхтик мустаннар, салгыны хамсатан, хайытан, аҕыйах бэйэбит элбээн, туолан сарсыҥҥыбытын сырдаттылар. Көрөөччүлэр дьонноругар бэркэ ыалдьан, ыһыытаан-хаһыытаан, күлэн-үөрэн астыннылар, бириэмэлэрин атаардылар. Бырааһынньык чэрчитинэн ыытыллыбыт күрэххэ кыттыбыт бары аҕаларбытыгар, оҕолорго, тэрийсибит учууталларбытыгар махтанан туран инникигэ эрчимҥитин ыһыктыбакка, эрэлгитин сүтэрбэккэ үрдүктэн үрдүк ситиһиилэнэргитигэр баҕарабыт.
Ааптар Маргарита Васильева