Ыам ыйын 11 күнүгэр, Улуустааҕы гимназияҕа Улуу Кыайыы күнүгэр аналлаах, дириҥ ис хоһоонноох, патриотическай хамсааьынна олус долгутуулаах тэрээһин буолан ааста
Былаан быһыытынан, Анна Васильевна Шадрина «Помним Вас поимённо» кинигэтэ сүрэхтэниитэ буолуохтааҕа, хомойуох иһин ааптар доруобуйата мөлтөөн кыайан кыттыыны ылбата.
Анна Васильевна Халыма дьоруойдарыгар анаан суруйбут ырыатын, Онлайн-видео нөҥүө, РФ утуолээх артыыьа , опернай ырыаьыт Александр Самсонов толоруутугар иһиттибит.
Биэчэр биир сүрүн долгутуулаах түгэнинэн, анал байыаннай дьайыыга эдэркээн олохторун толук уурбут оҕолорбутун, гимназия выпускниктарын Николай Сибирякову уонна Петр Колесовы, үрдүк ааттарын киэн туттан, чиэстээн, ахтан- санаан аастыбыт. Кинилэр «Эр санаа» уордьанынан наҕараадаламмыттарын үөрэнээччилэргэ, биэчэр кыттыылаахтарыгар дириҥ суолта ууран бэлиэтээтибит.
Ыам ыйын 8 күнүгэр Улуу Кыайыы күнүн чэрчитинэн, Иккис Мээтис нэһилиэгэр, оҕобутугар, Петр Колесовка аналлаах, нэһилиэнньэ бүттүүн кыттыылаах, өйдөбүнньүк тэрээһин буолан ааспыта. Ол курдук Оҕобут оҕо сааһа ааспыт, сүүрэн-оонньоон улааппыт тэлгэһэтигэр мемориальнай Дуоска туруорулунна.
Бу курдук улуустааҕы гимназия патриотическай иитиилээх тэрээһиннэри үрдүктүк инники күөҥҥэ тутан, холобур көрдөрөн тэрийэрин өрүү бэлиэтиибит.
Кэлэктиип уонна үөрэнээччилэр, анал байыаннай дьайыы кыттыылаахтарын дьиэ кэргэттэригэр куруук көмөлөһөллөр, аһымал аахсыйаларга, субуотунньуктарга үрдүк тэрээһиннээхтик кытталлар.
Түгэнинэн туһанан биһиги Колесовтар дьиэ кэргэн тапталлаах Оҕобутун санаан-кэриэстээн, өйдөбүнньүк тэрээһиннэри тэрийэн ыыппыт үөрэммит улуустааҕы гимназиятын кэлэктиибигэр, төрөөбүт Сыбаатайбыт бары олохтоохторугар истиҥ дириҥ Махталбытын тиэрдэбит.
Александра Явловская