Улуус аҕа баһылыга кыттыылаах тэрээһиҥҥэ Ульяна Алексеевна үлэ сыалын-соругун туһунан билиһиннэрдэ, инники олох сайдыытын туһугар Ытык сүбэ өттүттэн өрө тардар күүс үөскүөн баҕарарын туһунан эттэ.
Ытык сүбэ үгүс кыттыылааҕа санаатын эттэ, улууспут куораппыт туругурарын, аны 4 сылынан буолара былааннанар «Олоҥхо Ыһыаҕар-2029» бэлэмнэниигэ туох санаалаахтарын этиннилэр. Ол курдук «Тирэх буолар нэһилиэнньэлээх пууннар уонна киниэхэ сыһыаннаах территориялар» анал быһаарыыга олоҕуруу, Норуот туһугар олохтоох дьокутаат үлэтэ; Саха тыла, култуура сайдыытыгар үөрэх тэрилтэтэ сүдү күүһүнэн буолуута; Орто Халыма куоратыгар түөлбэлээн олоруу; Куорат тупсуута; Каадыр боппуруоһа уо.д.а. туһаайыылар болҕомтоҕо киирдилэр.
Түмүккэ Ульяна Алексеевна 3 хайысханан үлэ барылын ыытыахха диэн ыҥырда:
1. Маастар-былааны олохтуурга уопсастыбаннай Сэбиэт тэрийии;
2. Ыччат түмсүүтүн — Волонтерскай тэрилтэ оҥоруу;
3. Түөлбэлээн олорон сайдыы.
Бүгүн ыйыллыбыт соруктар ытык дьон сүбэтинэн олоххо киирэн куораппыт сайдарыгар, ураты Олоҥхо Ыһыаҕа буоларыгар төһүү, тирэх буолар күүс үөскээтэ, түөрэҕэ түстэннэ дии саныыбыт.
Ааптар: Саргылана Кокорина