Улууска АБДь анал пуондатыгар көмө харчы хомуйуута тохтообот. 2022 сыл балаҕан ыйын 22 күнүгэр ыытыллыбыт хомуур кэнниттэн улуус баһылыгын дьаһалынан АБДь буойуттарыгар уонна кинилэр дьиэ кэргэттэригэр араас хабааннаах көмө тиһигин быспакка ыытыллар.
Сылын аайы улуус олохтоохторо АБДь тустаах пуондатыгар көмө харчыны өрүү киллэрэллэр. Ол курдук 2025 сылга – 3 052 081,86 солкуобай көмө оҥоһуллубут. Бу киирбит үптэн буойуттарга байыаннай таҥас-сап, дронтан хаххаланар плащтар, рюкзактар, эмтээх аптечкалар, тактическай ачыкылар, коптердар, генератордар уо.д.а. ылыллыбыта.
Маны таһынан 1 648 000,00 сууммаҕа алта «Рысь-3» вездеходу, 839 480,00 сууммаҕа аҕыс «Булат» диэн тэрили ылан тиксэрбиттэрэ. Бу детектор 1,5 км диэри иэннээх сиргэ көтө сылдьар пилота суох көтөр аппарааты булар кыаҕы биэрэр. 1 012 278,00 сууммаҕа уон «Терминатор 55-5G» диэн элбэх частоталаах сигнал намтатар тэрил ылыллыбыта.
Быйылгы сыллаах харчы киириитэ, атырдьах ыйынааҕы туругунан, 1 138 807,79 солкуобай. Бу киирбит үптэн улуус дьаһалтата буойуттарбытыгар 1 259 350,00 сууммаҕа 5 «Булат», 5 элбэх частотаалаах сигналы намтатар тэриллэри итиэннэ мультикоптердары ылан улуус дьаһалтатын аатыттан малы-салы тиэрдэр волонтер Андрей Бережновка ыпсаран уолаттарбытыгар тириэрдибитэ.
Онон уоттаах сэрии толоонугар сылдьар дьоммутугар көмө тиһигэ быстыбакка салҕанар. Биир санаа, көмө саллааттарбыт санааларын өрө көтөҕөр итиэннэ кинилэр билиҥҥи сылдьар быһыыларын суолталыыр.
Ааптар: Анастасия Бережнова