Саҥа 2024-2025 үөрэх сылын саҕаланыыта… үөрэнээччилэргэ, төрөппүттэргэ, учууталларга, үөрэх кыһатын бары үлэһиттэригэр долгутуулаах дьоллоох күн.
Быйыл Орто Халыма улууһун үөрэх кыһаларыгар — орто оскуолаҕа 1109 оҕо үөрэниэҕэ, 448 оҕо уһуйааҥҥа иитиллиэҕэ.
Маҥнайгы кылааска 86 оҕо үктэннэ, орто оскуоланы 90 оҕо бүтэрэрэ былааннанар.
Бу күн туһунан уопсастыбаннай кэрэспэдьиэннэрбит ыыппыт хаартыскалара кэпсииллэр:
Саҥа үөрэх сылыгар Г.Г.Софронов аатынан Өлөөкө Күөллээҕи орто оскуолаҕа 93 оҕо оскуолаҕа үөрэниэҕэ, 5 оҕо оскуола киэҥ аартыгар үктэннэ.
В.А.Местников аатынан Алаһыай орто оскуолатыгар 59 оҕо оскуолаҕа үөрэниэҕэ, маҥнайгы кылааска 6 оҕо киирдэ.
Г.Г.Колесов аатынан Сыбаатайдааҕы орто оскуолаҕа 64 оҕо үөрэниэҕэ, 3 оҕо оскуола киэҥ аартыгын арыйда.
Д.С.Слепцов аатынан Эбээх орто оскуолата саҥа сылы 64 үөрэнээччилээх, маҥнайгы кылааска 5 үөрэнээччилээх көрүстэ.
С.Н.Горохов аатынан Ойуһардаах орто оскуолатыгар 69 оҕо үөрэх сылын көрүстэ, 2 оҕо оскуола боруогун атыыллаата.
Хатыҥнаах орто оскуолатыгар 37 үөрэнээччи, 4 оҕо маҥнайгы кылааска үктэннэ.
Саҥа үөрэх сылын А.Н.Явловскай аатынан Сылгы-Ыытардааҕы орто оскуола 52, маҥнайгы кылааһыгар 6 үөрэнээччилээх көрүстэ.
Березовка национальнай оскуолатыгар маҥнайгы кылааска 5 оҕо үөрэнэ киирдэ, быйыл оскуолаҕа уопсайа 68 оҕо үөрэниэҕэ.
Ааптар: Саргылана Кокорина