Саха Өрөспүүбүлүкэтин судаарыстабаннаһын күнүгэр аналлаах тэрээһин «Айаан» култуура дьиэтигэр дьону муста.
Манна быйыл ыытыллыбыт быыбарга, элбэх куолаһы ылан Третьяков Юрий Константинович аҕа баһылыгынан, ону сэргэ олохтоох бэйэни салайыныы дьокутааттара талыллыбыттара.
Бу бэлиэ түгэннэргэ анаан дуоһунаһы сүгүү сиэрэ-туома (инаугурация) ыытылынна.
Туоһу суруктары, дастабырыанньалары олохтоох быыбардыыр хамыыһыйа бэрэссэдээтэлэ Валентина Павлова үөрүүлээх быһыыга-майгыга туттарда. Баһылык андаҕар тылын нэһилиэк иннигэр эттэ. Бу киэһэ нэһилиэк 5 сыллааҕы ситиһиилэрин хаартыскаларынан, биидьийэнэн көрдөрүү, музыкальнай нүөмэрдэр толорулуннулар, эҕэрдэлэр этилиннилэр.
Саҥа баһылыкпытыгар Юрий Константиновичка үлэтигэр үрдүк ситиһиилэри, нэһилиэкпит сайдан иһэригэр саҥа олуктары оҥороругар баҕа санаабытын тиэрдэбит.
Ааптар Екатерина Тарасова