Биһиги алтынньы 28 күнүттэн, сэтинньи 8 күнүгэр диэри Орто Халыматааҕы кииҥҥэ доруобуйабытын тупсарынныбыт.
Киин бэйэтин урукку дьиэтэ өрөмүөҥҥэ турар буолан, оҕону уонна дьиэ кэргэни өйүүр салаа дьоҕус дьиэтигэр 5 киһи буолан киирбиппит. Дьиэ кыараҕаһын иннигэр олус ичигэс, сырдык, истиҥ үлэһиттэрдээх тэрилтэҕэ киирэн, астына-дуоһуйа сынньанан, массаастанан таҕыстыбыт. Айылҕаттан айдарыллан кэлбит Татьяна Васильевна Винокурова ис иһиттэн имигэс, сылаас ытыһыгар бигэнэн, астынан, ыарыыбыт мүлүрүйэн дьэг- дьийдибит. Бу тэрилтэ урут уруккуттан бырааһынньыктары, төрөөбүт күннэри, үбүлүөйдэри бэлиэтиир. Киин иитиллээччилэрэ олус сэргэх кэнсиэри бэлэхтээн сүргэбитин көтөхтүлэр.
Ол курдук Октябринабыт үбүлүөйүн бары бэлиэтээтибит, ас минньигэһин, маанытын аһаатыбыт.
Остуол хотойорунан минньигэс астаах асчыппытыгар Светлана Николаевнаҕа, амарах сүрэхтээх, сылаас сыһыаннаах үлэһиттэрбитигэр Александра Александровнаҕа, Файзулла Ешункуловичка, Марианна Николаевнаҕа, Лина Ивановнаҕа, Марианна Александровнаҕа, Лена Николаевнаҕа, Алла Евгеньевнаҕа, Татьяна Васильевнаҕа барҕа махтал тылларын этэбит, хоолдьуктаах бэйэбит хоҥкуйан туран бокулуоннуубут. Истиҥ сыһыаннаах, мэлдьи үөрэ сылдьар дьоҕус кэлэктиип үлэһиттэригэр инникитин да ситиһиини, доруобуйаны, дьолу баҕарабыт. Маннык, аҕам саастаах дьону көрөн-истэн, эмтээн, сааратан, аралдьытан, өрүү үөрэ, мичийэ сылдьалларыттан киһи санаата көтөҕүллэр, ыарыы умнуллар.
Түгэнинэн туһанан, Реабилитациялыыр киин бары үлэһиттэрин, быйылгы 20 сыллаах үбүлүөйүнэн итиитик-истиҥник эҕэрдэлиибит! Аҕам саастаах дьоҥҥо сылаас сыһыаҥҥыт, аламаҕай майгыгыт эһиэхэ уон оччонон үтүөнэн эргийдин. Сыралаах үлэҕитигэр ситиһиини баҕарабыт.
А.Е. Сухомясова, А.Н. Крылова,
З.Г. Бережнова,Т.П. Третьякова,
О.С. Котельникова