Сэтинньи 4 күнүттэн, Дойдуга сомоҕолоһуу күнүн чэрчитинэн, анал байыаннай дьайыыга кытта сылдьар биир дойдулаахтарбытыгар аналлаах уочараттаах аахсыйа ыытыллыбыта.
Тэрээһининэн хомуллубут баһыылкалар Донецкай уонна Запорожскай уобаластар эргин тиэрдиллибиттэрэ. Бу туһунан, баһыылканы миэстэтигэр тиэрдэн, биир дойдулаахтарбытын көрсүбүт, Орто Халыма улууһун дьаһалтатын гражданскай оборуонаҕа уонна ыксаллаах быһыыга-майгыга исписэлииһэ Андрей Бережнов иһитиннэрэр: «Аһымал аахсыйанан улуус счетугар киирбит 132 тыһыынчаҕа уолаттарбытыгар генератордар, блиндажка туһаныллар ититэр тээбириннэр, бронежилеттар, шлемнар, кроссовай матаһыыкыл уо.д.а. туттарылыннылар.
Орто Халыма улууһун дьаһалтатын аатыттан, «Аптека-30» тэрилтэҕэ, улуустааҕы үөрэх управлениятын профсойууһугар, Хатыҥнаах орто оскуолатын үөрэнээччилэригэр, Бастакы Мээтис нэһилиэгин олохтоохторугар, «Халыма долгуннара» хаһыат эрэдээксийэтигэр, үлэ уонна социальнай харысхал салалтатыгар уонна айаҥҥа бииргэ сылдьыспыт ААУо «КЕН и компаньон» салайааччытыгар Е.Н.Константиновка уонна үбүнэн көмөлөспүт биирдиилээн дьоҥҥо истиҥ махталбытын тиэрдэбит».