Сылгы Ыытар бөһүөлэгэр былыр былыргыттан мунньуллубут хаарбах тимири хомуйуу субуотунньуга буолан ааста.
Бу тэрээһин «Ыраас Аартыка» диэн федеральнай бырайыак чэрчитинэн ыытылынна. Манна 16 киһи кытынна: олох-дьаһах хаһаайыстыбатын, уот биэрэр ситим, балыыһа үлэһиттэрэ уонна урбаанньыт И.И. Бекренев.
Бу күн 1,5 гектар иэннээх сиртэн 10 туонна курдук тимир чаҕыра ыраастанна. Араас массыыналар, тыраахтардар элээмэлэрин биир сиргэ чөмөхтөөн, салгыы Саха Өрөспүүбүлүкэтин Арктиканы сайыннарыыга уонна Хотугу сир норуоттарын дьыалаларыгар министиэристибэтин кытта сөбүлэҥ түһэристэхтэринэ, бу бөх буолан сыппыт тимирдэри туһаҕа таһаарар сиргэ тиэйиллиэ.
Мээтистэр үтүө үлэлэрэ атын да нэһилиэктэргэ ыытыллыа диэн бүччүм санаалаахпыт.
Ааптар: Светлана Третьякова