Сайын саха киһитигэр от ыйынан биллэр. Былыр былыргыттан бу ыйга от оттооһун, кэбиһии үлэтэ күргүөмнээхтик ыытыллара. Сүөһүнү кыстыгы туоратар аһылыгы бэлэмнээһиҥҥэ бары күүс ууруллара.
Г.Г.Софронов аатынан Өлөөкө-Күөл орто оскуолатын эр дьоно 45 туонна от кэбиһэн туруордулар. Быйыл Махса учаастагын отүн үүнүүтэ мөлтөх буолан, чугастыы Таалалаах киэҥ киэлититтэн Сааба арыыта түөлбэни уларсан оттоотулар. Онон оскуола тэрилтэтэ тутар 12 сылгы сүөһүтэ кыстыгы этэҥҥэ туоруур буолла. Шефтэһэн алтыһан үлэлиир, тыа хаһаайыстыбатын сайдыытыгар төһүү күүс буолар, Өлөөкө Күөллээҕи сылгы Собуотун тэрилтэтигэр махталбытын тиэрдэбит.
Ааптар: Изабелла Ноговицына