Бу күннэргэ улууспут куоратын уонна нэһилиэктэрин олохтоох дьаһалталара, нэһилиэнньэлэрэ куоластаан оҥорбут бырайыактара бигэргэнэн, 2 000 000 солк. субсидиянан өйөбүл ыланнар, Саҥа дьыл бырааһынньыгын өрө көтөҕөтүүлээх саҥа соруктардаах көрсөр буоллулар.
Ол курдук Алаһыай нэһилиэгэр Ыһыах ыһар түһүлгэ оҥоруутугар (обустройство место проведения национального праздника «Ысыах») — 2 575 000 солк. көрүллүбүт;
Бастакы Мээтис нэһилиэгэр бу курдук, Ыһыах ыытыллар түһүлгэтин оҥорууга бырайыактара (обустройство место проведения национального праздника «Ысыах» (түһүлгэ) — 2 820 000 солк. тэҥнэспит;
Бастакы Хаҥаластар Кыайыы 80 сылыгар анаабыт, «Кыайыы искибиэрэ» (Сквер Победы) бырайыактара олоххо киирэригэр — 2 500 000 солк.;
Иккис Хаҥалас нэһилиэгин олохтоохторо Ийэҕэ аналлаах искибиэргэ куоластаабыттар (Обустройство сквера Матери) — 3 000 000 солк.;
Сиэн Күөл нэһилиэнньэтэ «Сайдам» култуурунай киин өрөмүөнүгэр (Ремонт здания МБУ КЭЦ «Сайдам») туруорсубуттар — 3 543 267 солк.
Хатыҥнаах нэһилиэгэ сайыҥҥы өттүгэр уунан хааччыйар турубалары оҥоруу иккис түһүмэҕэр (Организация в границах поселения водоснаюжения населения (реализация 2-го этапа установка летнего водопровода) — 2 260 000 уонна физическай култуура уонна успуорт сайдыытыгар усулуобуйа оҥоруу иитинэн успуорт саалатын өрөмүөнүгэр (обеспечение условий для развития на территории поселения физической культуры и массового спорта) бырайыагар — 2 815 600 солк. көрүллэн турар.
Орто Халыма куоратыгар Анкудинка үрэҕи туоруур муоста уотун-күөһүн оҥорууга (обустройство городского моста через р.Анкудинка (проведение освещения моста) — 2 576 892солк.
Итиэннэ Налимскай суолугар баар кылабыыһа суолун оҥоруу иккис түһүмэҕэр (Обустройство место захоронения по Налимской дороге (2-й этап благоустройство окружной дороги вокруг кладбища) — 2 513 426 солк. көрүллүбүт. Орто Халыма куоратын, нэһилиэктэр дьаһалталарын, олохтоохторун эҕэрдэлиибит! Бу курдук соруммут былааннаргыт биир ньыгыл күүһүнэн олоххо киирэн иһэллэригэр баҕарабыт.
Ааптар: Саргылана Кокорина