Бүгүн, тохсунньу 31 күнүгэр Орто Халыма куорат «Спектр» оҕо дьоҕура сайдар киинигэр улуустааҕы Саахымат күрэҕэ буола турар.
Эбии үөрэхтээһин тэрилтэтин дириэктэрин э.т. Владимир Киприянов буола турар тэрээһин туһунан билиһиннэрдэ:
«Турнирга 6 хамаанда: Н.И.Шарин аатынан Орто Халыматааҕы орто оскуола, И.В.Волков аатынан улуустааҕы гимназия, Г.Г.Колесов аатынан Сыбаатай орто оскуолата, Г.Г.Софронов аатынан Өлөөкө Күөллээҕи орто оскуола, В.А.Местников аатынан Алаһыай орто оскуолата уонна Хатыҥнаах орто оскуолатын үөрэнээччилэрэ кытталлар. Хамаандаҕа 4 оҕо кыттар. Саахыма өрөспүүбүлүкэ таһымынан 1ч.30 мүн (биир оонньуу — 45 мүнүүтэ).
Маны сэргэ үөрүүлээх быһыыга-майгыга саахымакка үрдүк ситиһиилээх оонньооччуларга, өрөспүүбүлүкэтээҕи күрэхтэр кыттааччыларыгар Максим Шкулевка (Хатыҥнаах, II разряд), Коля Бережнов (III-разряд, Сыбаатай), Роксана Ефимова (II разряд, Өлөөкө Күөлэ), Изольда Слепцова (III разряд, Өлөөкө Күөлэ) анал дастабырыанньалар туттарылыннылар. Күрэх сарсын түмүктэниэҕэ.»
Ааптар: Саргылана Кокорина