Бэс ыйын 17 күнүттэн эрэдээксийэбит «Олоҥхо-мин харахпынан» уруһуй куонкуруһун тэрийэн ыытар.
Бу күн, Орто Халыма оҕо ускуустубатын оскуолатыттан, Өлөөкө Күөлүттэн, Ойуһардаахтан, Хатыҥнаахтан уопсайа 46 үлэ киирдэ. Куонкуруска Дьокуускай куоракка олорор биир дойдулаахтарбыт кыттыыны ылалларыттан олус үөрэбит, махтанабыт.
Бигэргэммит балаһыанньа быһыытынан, уруһуй от ыйын 31 күнүгэр диэри, дьиҥнээҕинэн (оригиналынан), эрэдээксийэҕэ тиксэриллэр. Куонкуруска уһуйаан, оскуола саастаах оҕолор (алын уонна улахан кылаас оҕолоро), улахан дьон туһунан кытталлар.
Куонкуруска киирбит бастыҥ үлэлэргэ I-кы, II-с III-с миэстэлэринэн анал бириистэр бэриллиэхтэрэ, уруһуйдар «Олоҥхо» тиэмэлээх быыстапкаҕа туруохтара, эрэдээксийэ сахалыы тыыннаах рубрикаларыгар, таһаарар босуобуйаларыгар, кинигэлэригэр туһаныллыахтара.