Тохсунньу 13 күнүгэр Арассыыйаҕа бэчээт күнэ бэлиэтэнэр. Бүгүн биһиги идэлээх бырааһынньыкпытын хаһыаппытыrap 401 ааҕааччылаах, телеграм ханаалбытыгар 1632 сурутааччылаах көрсөбүт.
Маны таһынан, куйаар ситиминэн Аан дойду бары муннуктарыгар улууспут сонуннарын ааҕа-билэ олорор дьоннордоохпут.
Эрэллээх ааҕааччыларбытыгар, хаһыаты сурутааччыларбытыгар махталбытын тиэрдэбит. Эһиги өйөбүлгүт биһигини саҥа ситиһиилэргэ кынаттыыр. Сахабыт тыла сүтэн-симэлийэн хаалбатыгар, сурукка-бичиккэ тиһиллэригэр, күүстээхтик үлэлиирбитигэр угуйар.
Хаһыаппыт ааҕааччыга интэриэһинэй сонуннардаах, ис хоһоонноох буоларыгар эрэдээксийэ үлэһиттэрин кытта уопсастыбаннай кэрэспэдьиэннэрбит кыһаллаллар. Биһиги кинилэргэ барҕа махталбытын биллэрэбит, өссө да суруйа-бичийэ олороргутугар, сонуҥҥутун-санааҕытын бар дьоммутугар тириэрдэргитигэр баҕарабыт.
Ааптар: Светлана Третьякова