Ахсынньы 1 күнүгэр «Кыһын Саха сириттэн саҕаланар» бэстибээл чэрчитинэн НКИХ «Саха» быһа биэриитигэр ыытыллыбыт өрөспүүбүүлүкэтээҕи «Строганина — Тоҥ балык-2024» аһаҕас куонкуруска биһиги биир дойдулаахтарбыт ситиһииилээхтик кытыннылар.
Ол курдук Байды нэһилиэгиттэн төрүттээх Михаил Березкин кэргэнин Александралыын уонна Иккис Хаҥалас нэһилиэгиттэн төрүттээх Николай Лаптев кэргэнин Викторияны кытта киирдилэр. Кыттааччылар икки түһүмэххэ, дьиэҕэ үлэлэринэн тоҥ балыктан бүлүүдэ көмүскээтилэр уонна миэстэтигэр тоҥ кыһан бэлэмнээтилэр.
Лаптевтар дьиэ кэргэттэрэ куорат уокуругуттан ситиһиилээхтик кыттан бастыҥ аатын сүктүлэр. Маны сэргэ тэрээһин ыытыллар күнүгэр, Орто Халыма куоратыттан төрүттээх биир дойдулаахпыт, киэн туттар уолбут Валентин Лаптев Дьокуускай куорат киин болуоссатын сүрүн Моруос оҕонньорунан буолла. Биир дойдулаахтарбытынан киэн туттабыт, дойдубут ааттана, киэҥ эйгэҕэ сураҕыра турдун!
Кыһын Саха сириттэн саҕаланар
