Байды нэһилиэгэр үгүс сыл устата сыралаһан туран сүөһү ииттэн, үрүҥ илгэни үрүлүтэр Далбар Хотуттардаахпытынан олус астынабыт.
Дьыл хайа баҕарар кэмигэр үүтүнэн, суоратынан, сүөгэйинэн, күөрчэҕинэн хааччыйар күндү балыстарбар: Ангелина Алексеевна Кудринаҕа, Лидия Васильевна Колесоваҕа, Анастасия Алексеевна уонна Лидия Петровна Третьяковаларга махталым муҥура суох.
Эһиги уһун сылларга үрүҥ аһынан хааччыйбыккытын өрүү умнубаппын. Түгэнинэн туһанан, күндү дьоммун Аан дойду дьахталларын күнүнэн ис сүрэхтэн эҕэрдэлиибин!
Өссө даҕаны уһун сылларга сүөһүгүтүн быспакка, бар дьоҥҥо үтүөнү оҥоро туруҥ, өрүү табыллыы уонна ситиһии баар буоллун диэн ийэлии алгыспын тиэрдэбин. Дьоллоох, доруобай буолуҥ!
Ааптар: Үлэ бэтэрээнэ, сэрии сылын оҕото Варвара Иннокентьевна Слепцова, Налимскай бөһ.