Хатыҥнаахха, байыаннай дьайыыга дойдутун иннигэр эдэркээн сырдык тыынын олук уурбут эдэр буойуммут Николай Сибиряков аатыгар Байыаннай күрэх быйыл иккис төгүлүн ыытылынна.
Быйылгы күрэххэ Хатыҥнаахтан икки хамаанда, Сыбаатайтан, Өлөөкө Күөлүттэн, Ойуһардаахтан, Налимскайтан, уопсайа 6 хамаанда күөн көрүстэ.
Балаһыанньа быһыытынан, күрэхтэһээччилэр байыаннайдык хааман, ыллаан, күрэхтэһэн, ханаат тардыһан, хоһоон ааҕан, үҥкүүлээн, оҕунан ытан, өһөс торбос, халбас харата, уо.д.күрэхтэргэ бэйэ кыаҕын тургутан көрдүлэр, кыайыылаахтар хайаларын уҥуордаан, муҥур бэртээхтэр быһаарылыннылар.
Күрэх түмүгүнэн кыайыылаахтар тэрийбит хамыыһыйа, успуонсардар, Николай Сибиряков төрөппүттэрин, аймахтарын ааттарыттан анал кырааматаларынан, өйдөбүнньүк бэлэхтэринэн, сувенирдарынан, кубоктарынан наҕараадаланнылар.
Ол курдук боруонса мэтээли Өлөөкө Күөл ыччата кэттэ, үрүҥ көмүс мэтээли Сыбаатайдар ыллылар, муҥутуур кыайыылаах Кубогын хаһаайыттар — Хатыҥнаахтар хааллаһыннылар.