Бу сайын Бүтүн Арассыыйатааҕы күрэххэ кыайан С.Н. Горохов аатынан орто оскуола XI кылааһын үөрэнээччитэ Иван Гуляев бу күннэргэ Владивосток куоракка «Океан» лааҕырга сынньана айаннаата. Салайааччыта Евдокия Винокурова күрэх буоларын билэн, кини кыттарыгар санаатын салайбыт, көҕүлээбит.
Иван айылҕаҕа сылдьарын бэркэ сөбүлүүр, куска, балыкка, отоҥҥо дьонун кытта бииргэ сылдьан хаартыскаҕа, киинэҕэ түһэрэн, куйаар ситимигэр таһаарар эбит. Бэйэтэ телеграм каналлаах, онно сүүстэн тахса кинини сэҥээрэн көрөр сурутааччылардаах.
Кини бу күрэххэ хайдах кыттыбытын, кыайбытын, ханнык идэҕэ санаата охторун интернет ситимигэр ааҕан билиэххитин сөп https://yakutia.aif.ru/society/put-k-okeanu-shkolnik-iz-yakutii-voshyol-v-sotnyu-luchshih-molodyh-blogerov. Уонна кини телеграмканалыгар (https://t.me/ivangullaev) киирэн, Халымабыт айылҕатын сэҥээриҥ, Сиэн Күөл нэһилиэгин учаастактарыгар кинилиин бииргэ сылдьан көрүөххүтүн, дьуухаланы хайдах оҥорорун билсиэххитин сөп.
Ааптар: Светлана Третьякова