Сэтинньи 24 күнүгэр, Байанай ыйын уонна Уол оҕо күнүн чэрчитинэн, уол оҕону өбүгэ дьарыгар угуйар, чөл олоххо, успуорка көҕүлүүр сыаллаах, саха норуотун оонньууларын көрүҥнэринэн «Дыгын оонньуулара- 2023» буолан ааста.
🏆Күрэх «Родина» успуорт уораҕайыгар улахан кылаас уолаттарыгар туһаайыллан ыытылынна.
⛹🏻♂️Күрэҕи «Боотур» оҕо спортивнай оскуолатын тириэньэрдэрэ уонна Н.И.Шарин аатынан Орто Халыматааҕы орто оскуола физкультураҕа учууталлара тэрийдилэр. Успуорт тэрээһинигэр 11 уолан, Антипин Максим, Тарасов Яков, Федоров Коля, Кокорин Тимур, Соловьев Глеб, Сыроватский Дархан, Явловский Артем, Тарасов Ваня, Третьяков Арсентий, Налимскайтан Кондаков Айхал, Созонов Ньургун бэйэлэрин кыахтарын тургутан көрдүлэр.
📄Балаһыанньа быһыытынан уолаттар үс төгүл үстээн ыстаннылар, тутумҥа эргийдилэр, сүүрдүлэр, таас көтөхтүлэр, хапсаҕайдаатылар, оҕунан ыттылар.
Көрүҥнэргэ бастыҥтан бастыҥынан, үс төгүл үскэ-Тимур Кокорин, тутум эргииргэ- Ньургун Созонов, оҕунан ытыыга — Яков Тарасов, хапсаҕайга- Коля Федоров, таас көтөҕүүгэ- Дархан Сыроватскай, сүүрүүгэ- Арсентий Третьяков буоллулар.
Уопсай түмүккэ, үгүс бастыҥ очукуону хомуйан боруонса мэтээли 10-с кылаас үөрэнээччитэ Дархан Сыроватскай, үрүҥ көмүһү 9- с кылаас спортсмена Тимур Кокорин кэттилэр, оттон муҥутуур кыайыылааҕынан 11-с кылаас үөрэнээччитэ Арсентий Третьяков таҕыста. Бары кыттааччылары эҕэрдэлиибит. Бу курдук чөл олоҕу, успуорду кытта доҕордоһор бастыҥ ыччат үксүү турдун, көрдөрүүлэрэ тупсан истин.
Саргылана Кокорина