Маны тэҥэ Үөһээ Халыма туһаайыытынан, өрүһүнэн суол оҥоһуллар. Бу күн 30 туоннаҕа диэри уйуктаах тиэхиньикэҕэ, Березовка суолуттан ураты бары бөһүөлэктэргэ көҥүл бэриллэн турар. Онон сорох нэһилиэктэргэ чох, уматык тиэйиитэ саҕаланна.
Бүгүн, ыаллыы сытар Үөһээ Халыма улууһун суолларыттан, биир дойдулаахтарбытыттан эҕэрдэ туттубут.
Ол курдук «Аартыка суоллара» Үөһээ Халыматааҕы филиалыгар биһиги уолаттарбыт, начаалынньыгынан Владимир Поличук, маастарынан Павел Акакиев, тырахтарыыстарынан Савва Сухомясов, Егор Лаптев, Анатолий Еремеев, суол үлэһитинэн Андриан Оконешников үлэлииллэр.
Онон Орто Халымалар, Халыма бары хайысхатын (Аллараа Халыма — Андрюшкино суолун) тутан олорор эбиппит диэн киэн тутта кэпсэниэхпитин сөп эбит.
Уолаттарбытыгар эҕэрдэ, ситиһиини, таһаарыылаах үлэни баҕарабыт.
Ааптар: Саргылана Кокорина