Сэтинньи 28 күнүгэр Дьокуускай куоракка Аартыка улуустарын ыччатыгар аналлаах «Аартыка Кубога-2024» спартакиадата ыытылынна.
Манна 11 хамаанда (Анаабыр, Үөһээ Дьааҥы, Өлөөн, Эдьигээн, Булуҥ, Абый, Аллайыаха, Муома, Уус Дьааҥы, Аллараа Халыма) кыттыыны ылла. Тэрээһин успуорт (мас тардыһыы, волейбол, маамыктаны быраҕыы, хапсаҕай, наартаны ыстаныы, ГТО) уонна култуура (үҥкүү, ырыа, иис, хаартысканан түһэрии уо.д.а.) ыытыллыбыта. Биһиги ычаппыт хамаандата Үөһээ Дьааҥы уонна Анаабыр улууһуттан хаалан III-с бириистээх миэстэҕэ тигистэ.
Түмүк боротокуол көрдөрөрүнэн, Орто Халыма хамаандата, Мас тардыһыыга — III, Волейболга — II, Аркаан быраҕыыга — I, ГТО туттарыыга — II уонна култуурунай күрэххэ II миэстэни ылбыт.
Быйылгы тэрээһини иилээн-саҕалаан Анаабыр улууһа ыытта. Кэлэр сыл, спартакиаданы биһиги улууспут тэрийэрэ былааннанар.
Саргылана Кокорина