Бу сыл бэс ыйын 5 күнүттэн Саха Өрөспүүбүлүкэтин экологияҕа, айылҕаны туһаныыга уонна ойуур хаһаайыстыбатыгар министиэристибэтин дьаһалынан «От күөх чэппиэр» аахсыйа ыытылла турар.
Бу тэрээһиҥҥэ тэрилтэлэр, биирдиилээн дьон хас чэппиэр ахсын да кыттыахтарын сөп. Ураты айылҕабытын харыстыыр, киниэхэ эппиэтинэстээхтик сыһыаннаһарга туһуламмыт үлэлэри тэрийии буолар.
Ол курдук, бу күн субуотунньугу ыытыы эбэтэр айылҕаны харыстыырга ыҥырар аншлагтары туруоруу, полиэтиленовай бакыаттартан аккаастанан элбэхтэ туттуллар суумканы илдьэ сылдьыы, массыыната суох сатыы сылдьары көҕүлээһин, онно от күөх таҥастаах эбэтэр бэлиэлээх буолуу уо.д.а. интэриэһинэй тэрээһиннэри толкуйдуохха сөп.
Бу аахсыйаҕа кыттыбыт тэрилтэ иһитиннэриини pressminpriroda1@mail.ru электроннай почтаҕа ыытар, биирдиилээн дьон куйаар ситимигэр #ЗеленыйЧетверг диэн хэштегтээх хаартыскаларын таһаарыныахтарын сөп. Бу аахсыйа саҕаланыаҕыттан 2310 киһи кыттыыны ылбыта бэлиэтэнэр.
Улууспут дьоно бу аахсыйаттан туора туруохтара суоҕа диэн эрэнэбит.
Ааптар: Светлана Третьякова