Ойуһардаахтааҕы кыраайы үөрэтэр түмэл, Аан дойдутааҕы түмэл, Дьиэ кэргэн күннэрин,
Арассыыйаҕа Дьиэ кэргэн, Саха сиригэр Оҕо саас сылларыгар аналлаах
“ҮЙЭЛЭЭХ МАЛ” («ӨБҮГЭМ СИТИМЭ») диэн куонкуруһу тэрийэн ыытта. Күрэххэ өбүгэттэн утумнанан, кэриэс мал буолан бэриллибит, дьиэ кэргэн харыстыыр, уһун үйэлээх малын-салын, киэргэлин, иһитин-хомуоһун көрүү буолла.
Куонкурус сыала-соруга:
Өбүгэ үгэһин, сиэрин-туомун, туттубут малын-салын кэнчээри ыччакка биллэрии-көрдөрүү, харыстаан илдьэ сылдьарга уһуйуу, билиитин дириҥэтии.
Дьүүллүүр сүбэҕэ , алын кылаас үрдүкү категориялаах учуутала, СӨ үөрэҕириитин туйгуна Галина Яковлевна Горохова,
, нэһилиэк библиотекара, СӨ култууратын туйгуна Жанна Николаевна Тарасова,
педагогический үлэ бэтэрээнэ, РФ үөрэҕириитин туйгуна Валентина Дмитриевна Жиркова үлэлээтилэр.
«ҮЙЭЛЭЭХ МАЛ»
(«ӨБҮГЭМ СИТИМЭ») куонкурус түмүгэ:
1. Шкулева Галина Егоровна- «Төрүччүм барҕа баайа».
2.Жиркова Елизавета Николаевна- «Алгыстаах мааны иһиттэр».
3. Оконешникова Александра Николаевна- «Үйэлээх мааны сэрбиис».
4. Бандерова Мария Иннокентьевна- «Өйдөбүнньүк докумуоннар».
5. Волкова Генриетта Николаевна- «Ааспыты санатар саһарбыт суруктар».
6. Винокуров Леня, 2 кылаас үөрэнээччитэ- «Дьиэ-кэргэним ытык мала».
7. Григорьева Ангелина, 4 кылаас үөрэнээччитэ- «Мин дьиэ-кэргэним кэриэс мала».
8. Кондакова Полина, 4 кылаас үөрэнээччитэ- «Дьиэ-кэргэним ытык мала».
9. Винокуров Дима, 1 кылаас үөрэнээччитэ- «Мин дьиэ-кэргэним туттубут мала».
10. Батюшкин Эльдар, 2 кылаас үөрэнээччитэ- «Ааспыты санатар мал».
11. Шкулева Альбина, 2 кылаас үөрэнээччитэ- «Сылааһынан илгийэр кэриэс мал».
12. Винокурова Кристина, 2 кылаас үөрэнээччитэ- «Хос-хос эбэм кэриэс мала».
13. Гуляев Борис, 6 кылаас үөрэнээччитэ «Дьиэ-кэргэним үйэлээх баайа».
14.
«УЙЭЛЭЭХ МАЛ»
(«ӨБҮГЭМ
СИТИМЭ»)
куонкурус сүрүн кыайыылааҕынан СӨ Бочуоттаах бэтэрээнэ,
Орто Халыма улууһун уонна
Сиэн Күөл нэһилиэгин Бочуоттаах олохтооҕо Евдокия Васильевна Бандерова буолла.
Кыттааччылар хос-хос эбэлэрин, эһэлэрин туттубут иһиттэрин, кыһыл көмүс ытарҕаларын, оҕуруоларын, ыҥыырдарын, ытыктарын, алтан иһиттэрин, сундууктарын, тирии быысапкалаах билэтин, чоҕунан сылыйар өтүүктэри, американскай салыырчаҕы, саһарбыт суруктары, докумуоннары, Бырааттыы Переваловтар сэрбиистэрин уо.д.а кэрэхсэнэр ытык маллары аҕалан, кэпсээн, дьүүллүүр сүбэни да, көрөөччүлэри да сөхтөрдүлэр. “Хос-хос эбэм, эһэм…” диэн сылаастык, ураты минньигэстик ааттаан туран, билиһиннэрдилэр, долгуйа кэпсээтилэр. Хас биирдии кыттааччы сыа-сым курдук тутан сыһыаннаһаллара, мал-сал чахчы дьиэ кэргэн маанылаах, харыстанар ытык маллара буоларын туоһулаата.
Кыайыылаахтары ис сурэхтэн эҕэрдэлиибит!
‒ Саргыгыт салалыннын,
Уйгугут улааттын,
Үөрүүгүт үксээтин,
Дьолгут тосхойдун!!!
Ойуһардаахтааҕы кыраайы үөрэтэр түмэл исписэлииһэ Евдокия Винокурова