Орто Халыма, успуорка биир бас тутар көрүҥүнэн көҥүл тустуу уонна хапсаҕай буолар. Оҕо кыра сааһыттан тустууга, хапсаҕайга дьарыктаннаҕына бэйэтин кыана, успуорка, чөл олоххо көхтөөх буола улаатара саарбахтаммат. Биир сүрүн ситиһиинэн, оҕо эбии дьарыктаах буолар.
Ол курдук, ахсынньы 2 күнүттэн тустуу көрүҥэр дьарыктанар оҕолорго быйылгы сыллаах күрэхтэрэ хапсаҕайынан саҕаланна. «Родина» успуорт комплексыгар ыытыллыбыт күрэххэ 60 оҕо, мантан Налимскайтан 11 оҕо кыттыыны ылла.
Күрэх балаһыанньатынан, оҕолор алын уонна улахан кылаастарга, 22 — тэн, 65 ыйааһыҥҥа диэри туһуннулар.
Кыайыылаахтар быйылгы бастыҥ мэтээллэрин кэтэн үөрэх дьылын ситиһиинэн көрүстүлэр, кырааматанан наҕараадаланнылар.
Ахсынньы 21 күнүгэр бөҕөстөр, тустуу көбүөрүгэр, педагог-бэтэрээннэр бириистэрин иһин көрсүөхтэрэ.
