Бүгүн, тохсунньу 25 күнүгэр «Родина» успуорт уораҕайыгар улуустааҕы Хапсаҕай күрэҕэр 7 хамаанда (Орто Халыма к., Ойуһардаах, Сылгы Ыытар, Сыбаатай, Налимскай, Өлөөкө Күөлүттэн уонна Арҕахтаахтан биирдии бөҕөс) бэртээхтэн бэртэрэ кытыннылар.
Ол курдук быйыл буолар «Манчаары оонньуулара» хапсаҕайыгар сүүмэрдээһиҥҥэ кыттар быраап иһин 45 киһи көбүөргэ кытынна. Турнир балаһыанньатын быһыытынан бөҕөстөр, 9 ыйааһыҥҥа (57 — тэн, 85 киилэттэн үөһээ) эр дьон уонна бэтэрээннэр диэн саастарынан арахсан хапсаҕайдаатылар. Сүрүн судьуйанан үлэлээтэ “Боотур” оҕо спортивнай оскуолатын тириэньэрэ Семен Ефимов, көбүөргэ СӨ успуордун маастара Егор Шкулев уонна уопуттаах тириэньэрдэр үлэлээтилэр.
Тириэньэрдэр, физкультура учууталлара, көҥүл тустуу куруһуогар сылдьар оҕолор төрөппүттэрэ кыттан холобур буоллулар, көрөөччү биһирэбилин ыллылар. Орто Халыма куоратын «Боотур» оҕо спортивнай оскуолатыттан 8 бөҕөс холонон көрдө. Хапсыhыы тумугунэн бастыннарынан ааттаннылар:
- 57 диэри: I — Антипин Максим (Орто Халыма к.), II — Тайшин Максим (Орто Халыма к.), III — Винокуров Петр (Ойуһардаах).
- 65 киилэҕэ: IV — Вырдылин Николай (Ойуһардаах); V — Лаптев Виктор (Сылгы Ыытар); VI — Кокорин Тимур (Орто Халыма Боотур).
- 75 киилэ: I — Корякин Сарыал (Орто Халыма к.), II — Садовников Николай (Орто Халыма к.), III — Волков Алексей (Сылгы Ыытар).
- 85 к.: I — Слепцов Николай (Сылгы Ыытар), II — Явловский Алексей (Өлөөкө Күөлэ), III— Лаптев Терентий (Арҕахтаах),
- 85 үөһээ: I — Гоголев Тимур (Сыбаатай), II — Слепцов Евгений (Налимскай), III — Лаптев Петр (Сылгы Ыытар).
- Бэтэрээннэргэ 75 киилэҕэ: I — Вирячев Алексей (Налимскай), II — Гуляев Искандер (Ойуһардаах), III — Бережнов Иван (Орто Халыма к.).
- Бэтэрээннэргэ 80 к.: I — Шкулев Егор (Ойуһардаах), II — Третьяков Юрий (Налимск), III — Третьяков Владислав (Орто Халыма к.).
- Ветераны 85-тэн үөһээ: I — Ефимов Семен (Орто Халыма к.), II — Оконешников Иван (Налимскай), III — Белоногов Григорий (Орто Халыма к.).
Чөмпүйүөннэр, призердар тэрийэр кэмитиэт аатыттан анал кырааматаларынан, мэтээллэринэн уонна “Компик» маҕаһыынтан сэртипикээтинэн наҕараадаланнылар.
Ыйааһын да, саас да быһаарбат Муҥутуур Дархан кыайыылааҕынан буолла, 23 киһини хаалларан, Любомир Бандеров Сиэн Куол ыччатын баhыйан — Алексей Явловскай (Өлөөкө Күөлэ). Итиэннэ «Дэлэй», «Махтал» маҕаһыыннара успуонсардаабыт 15 000 уу харчынан наҕараадаланна. Санатан эттэххэ Алексей төрөөбүт нэһилиэгин Өлөөкө Күөлүн аатыттан соҕотоҕун кыттыбыта.
Бүгүҥҥү күн чөмпүйүөннэрин, «Манчаары оонньууларыгар» сүүмэрдээһини ааһар хамаандаҕа кыттар быраабы ылбыттарынан эҕэрдэлиибит, ситиhиини ба5арабыт. Успуорду таптаан, чол туруктаах сылдьын.
Ааптар: Саргылана Кокорина