Орто Халыма улууһун баһылыга Иван Васильевич Лаптев сылы түмүктүүр отчуоттаах мунньаҕын тохсунньу 23 күнүттэн саҕалаата.
Мунньахха улуустааҕы тыа хаһаайыстыбатын управлениетын начаалынньыга Дмитрий Николаевич Винокуров, Нэһилиэнньэ уонна үлэ социальнай көмүскэлин холбоһук киинин салайааччыта Любовь Алексеевна Оконешникова, Орто Халыматааҕы кииннэммит балыыһа мэтэдиис-бырааһа Иван Александрович Нетребенко, улуустааҕы үөрэх управлениетын начаалынньыгын солбуйааччы Петр Дьулустанович Васильев, СӨ ОДьКХ Орто Халыматааҕы филиалын кылаабынай инженерэ Егор Юрьевич Епачинцев кыттыыны ыллылар.
Салайааччылар ааспыт сыл ыытыллыбыт үлэни-хараны кэпсээтилэр, кэлэр сыл сыалын-соругун туһунан билиһиннэрдилэр. Нэһилиэнньэттэн элбэх ыйытыы, этинии иһилиннэ, онтон боротокуолга тутуу боппуруоһун туруорсуу киирдэ. Бу туһунан уопсастыбаннай кэрэспэдьиэммит Изабелла Ноговицына иһитиннэрдэ. (Сиһилии хаһыат 5-с сирэйигэр ааҕыҥ).
Улуус баһылыгын отчуоттуур мунньаҕын кыраапыга:
Тохсунньу 28 күнэ — Байды; 29 күнэ — Иккис Хаҥалас; 30 — Иккис Мээтис; 31 — Хатыҥнаах; Олунньу 1 күнэ Арҕахтаах; 2 күнэ — Бастакы Мээтис; 3 күнэ — Сиэн Күөлэ; 5 күнэ — Орто Халыма к.; 6 күнэ — Березовка
(Кыраапыкка уларыйыы баар буолуон сөп)
Ааптар: Саргылана Кокорина