1942 сыллаахха «Социалистическая Колыма» хаһыат маҥнайгы нүөмэрэ «Что ты сделал для фронта» лозуннаах Семен Игнатьевич Неустроев эрэдээксийэтинэн тахсыбыта.
Ол күнтэн 82 сыл ааһан, хаһыаппыт бу күҥҥэ диэри, аныгы олох балысханнаах, тэтимнээх уларыйыыларын кытта тэҥҥэ үүнэн-сайдан, хаһыаппыт билигин кумааҕы хаһыатынан эрэ буолбакка, интэриниэт ситиминэн таһаарар үгүс сыһыарыылаах.
Бу күн Телеграм ханаалыгар – 1400, Whatsapp cыһыарыытыгар — 478 подписчиктаах.
Сыл бастакы аҥарын 420 кумааҕынан ааҕар сурутааччылаах атаарбыппыт.
Маны сэргэ сонунун күннэтэ таһаарар Ulusmedia халымадолгуннара.рф анал сайтаах, Видеонан устуулары таһаарар Видеограф ситимнээх.
Типография отделыгар быыстала суох сакаас күннэтэ киирэр, элбэх хаартыска, кинигэ, халандаар уо.д.а.тахсар.
Эрэдээксийэбит өрөспүүбүлүкэ хоту улуустарыттан үгүс ааҕааччылаах эрэдээксийэлэр ахсааннарыгар киирэн инники күөҥҥэ сылдьарынан олус үөрэбит, биһигиниин олох үөһүгэр сылдьар хас биирдии ааҕааччыбытыгар махтанабыт.
Маннык ситиһии үүнэрбитигэр-сайдарбытыгар бөҕө тирэх, көҕүлүүр күүс, үрдүк далааһыҥҥа тиийэр кынат буолар.
Биһиги өрүү ахтабыт-саныыбыт, бу күн эҕэрдэлиибит ытыктабыллаах бэтэрээннэрбитин, эрэдээксийэҕэ үлэлээн кылааттарын хаалларбыт хас биирдии эрэдээктэри, араас дуоһунаска үлэлээбит үлэһиттэри, суруйар-бичийэр, күүс-көмө буолар уопсастыбанай кэрэспэдьиэннэрбитин, олохтоох дьаһалталар исписэлиистэрин, сурук үлэтин сыаннаһын өйдүүр биһигиниин бииргэ сылдьар ааҕааччыларбытын.
«Халыма долгуннара» хаһыат эрэдээксийэтэ үйэттэн үйэҕэ сыаналаммат күндү кылаат, мин-эн-биһиги олохпут, дойдубут устуоруйата, кэскиллээх олох кэрэһитэ.
«Халыма долгуннара» 2024с.
