Оройуон салалтатын аатыттан эһигини барыгытын кэлэн иһэр 2025 сылынан ис сүрэхтэн эҕэрдэлиибин!
Саҥа сылы көрсө хас биирдиибит үгэс быһыытынан түмүк оҥостор, соруктары ту-руорар кэмэ тиийэн кэллэ. Тутуу эйгэтигэр «Хаарбах туруктаах дьиэлэртэн дьону көһөрүү» бырагырааманан түөрт элбэх кыбартыыралаах таас дьиэ үлэҕэ киирдэ. Итини таһынан «Кыайыы» болуоссатын саҥардан тутуу үлэтэ тэтимнээхтик ыытылынна. 2025 сылга Орто Халыма куорат маастар-былаана оҥоһуллан, куорат инники сайдыытыгар төһүү күүс буолуоҕа.
Улуус дьаһалтатын ыытар үлэтигэр сүрүн болҕомто анал байыаннай дьайыы кыттыылаахтарыгар уонна кинилэр дьиэ кэргэттэрин өйөөһүҥҥэ ууруллар. Түгэнинэн туһанан, улуус хас биирдии олохтооҕор махталбытын биллэрэбит. Үрдүк таһымҥа Сиэн Күөл оскуолата 100 сыллаах, Алаһыай нэһилиэгэ — 90, Березовка нэһилиэгэ тэриллибитэ 70 сыллаах үбүлүөйдэрэ тэрилиннэ.
Халыма чаҕылхай ыччата Виктор Рассадин Олимпиадаҕа кыттан, үрдүк таһымнаах күрэххэ Халыматтан бастакы суолу тэлээччи буолла.
Улуус ытыктабыллаах олохтоохторо! Үүнэр 2025 сылга бука барыгытыгар дьоллоох-саргылаах олоҕу, эйэни, дьолу, чэгиэн-чэбдик буолууну баҕарабын!
Иван Лаптев, «Орто Халыма улууһа (оройуона)» муниципальнай оройуон баһылыга