Бу күннэргэ Орто Халыма улууһун сайдыытын устуоруйатыгар саҥа, ураты сүүрээн киирдэ. Өлөөкө Күөллээҕи сылгы Собуота бу күнтэн, ынах, сылгы сүөһүнэн эрэ буолбакка, бизону иитэн сайдыы ураты суолун тобулуоҕа.
Бүгүн, 1 саастаах 12 бизону (7 тыһы, 5 иргэх) Чоҥкуйа сылгы баазатыгар олохсуталлар. Кыһыл кинигэҕэ киирбит дьикти кыыллары тустаах үлэһиттэр күрүөҕэ тутан, көрүөхтэрэ-харайыахтара. Кыыл сылгы курдук отунан аһылыктанар, хаары сиир. Бизоннар туруктарын, олохсуйар сирдэрин-уоттарын, айылҕа харыстабылын анал исписэлиистэрэ үөрэтиэхтэрэ, кэтээн-манаан чинчийиэхтэрэ.
Бу хантан, хайдах туох сыаллаах ылыллыбыт бырайыагый? Бизону ииттэн сайдыы ханнык суолун тутуһуохпутуй? уо.д.а. боппуруостарга сиһилии эрэдээксийэ интэриниэт ситимнэригэр уонна хаһыат кэлэр нүөмэригэр ааҕыаххыт.
Ааптар: Саргылана Кокорина