СӨ Культууратын уонна духуобунай сайдыы миниистирэ Афанасий Ноев, үлэтин сырыытынан Иккис Хаҥалас нэһилиэгэр ыалдьыттаата.
Тус сыалынан, Үйэ сааһын бэлиэтиир «Аҕа дойду сэриитин кэмигэр килбиэннээх үлэтин иһин», «Сэбиэскэй атыы эргиэн туйгуна», «Гражданскай килбиэн» бэлиэлэр хаһаайыннарын, үлэ уонна тыыл бэтэрээнин Мотрена Ильинична Гуляеваны эҕэрдэлээтэ, дириҥ ытыктабылын биллэрдэ.
Ытык кырдьаҕас, бүгүн, саастаах үбүлүөйүн 5 оҕолоох, 20 сиэннээх, 40-тан тахса хос сиэннээх, халыҥ аймахтаах көрүстэ.
Үөрүүлээх тэрээһин И.И.Слепцов-Учуунускай аатынан култуура киинигэр үрдүк таһымнаахтык ыытылынна.
Автор: Саргылана Кокорина