Дьиэ кэргэн Аан дойдутааҕы күнүн чэрчитинэн, Г.Г.Софронов аатынан Өлөөкө-Күөллээҕи орто оскуолатын 7-ис кылааһыгар оонньуу дьоро киэһэтэ тэрилиннэ.
Манна оҕолор ийэлэриниин кытыннылар. Бастаан төрөөбүт дойдуларын төһө билэллэрин тургутар ыйытыктарга көмөлөөн хоруйдаатылар, онтон саха таабырыннарын,өс хоһооннорун таайдылар,ситэрдилэр. Салгыы өйү эрчийэр толкуйдатар оонньууга күөн көрүстүлэр. Бүтэһиккэ бу күн төрөөбүт күннээх 88 сааһын туолар аарыма кырдьаҕас хаһыаппытын сурутууга көҕүлүүр постердары оҥордулар.
Дьоро киэһэ олус интэриэһинэйдик уонна туһалаахтык ааста. Кыайыылаахтар минньигэс бэлэхтэри тутан үөрдүлэр- көттүлэр.
Маннык тэрээһиннэр, оҕолор уонна төрөппүттэр икки ардыларыгар истиҥ сыһыаны, бэйэ бэйэҕэ убаастабылы,эрэниини,итэҕэйиини күүһүрдэллэр.
Изабелла Ноговицына
Орто Халыма, Өлөөкө Күөлэ б.