«Халыма долгуннара» хаһыат эрэдээксийэтэ бэс ыйын 17 күнүттэн от ыйын 31 күнүгэр диэри «Олоҥхо мин харахпынан» уруһуй куонкуруһун тэрийэн ыытта. Балаһыанньа быһыытынан үлэлэри тутуу от ыйын 31 күнүгэр түмүктэннэ.
Дьүүллүүр сүбэҕэ, Орто Халыматааҕы «Кулума» култуура киинин худуоһунньуга, анал идэлээх Татьяна Николаевна Горохова, эрэдээксийэ тех.эрэдээктэрэ, фотограф-видеограф Алена Кокорина, типография отделын кэрэспэдьиэнэ Анастасия Кокорина үлэлээтилэр. Үлэлэр оҕолор саастарынан уонна улахан дьон диэн арахсан көрүлүннэ.
Ол курдук үлэлэр оҕо ускуустубатын оскуолатыттан, оҕо уонна дьиэ кэргэн көмүскэлин тэрилтэтиттэн, Сылгы Ыытартан, Хатыҥнаахтан, Өлөөкө Күөлүттэн, Ойуһардаахтан, Дьокуускайтан, уопсайа 58 үлэ киирдэ.
Куонкурус түмүгүнэн, улахан дьоҥҥо, Дьокуускай куоракка олорор биир дойдулаахпыт Анна Егоровна Винокурова- Үрүҥ көтөр, уһуйаан саастаах оҕолорго, «Чэчир» оҕо уһуйаанын иитиллээччитэ Туймаада Васильева (Хатыҥнаах) бастыҥнарынан ааттаннылар.
7-11 саастаах оҕолорго 21 үлэ киирдэ: I миэстэ Ренат Колесов (Орто Халыма к.), II м.—Катя Третьякова (Орто Халыма к.); IIIм.— Айыллаана Тарасова (Орто Халыма к.); биһирэм бириис- Арина Яковлева;
12-14 саастаах оҕолорго (15 үлэ): I Онбыш Олеся (Орто Халыма к.); II м. — Мария Шульган (Орто Халыма к.); IIIм.— Ангелина Григорьева (Ойуһардаах); биһирэм бириис- Дамир Кудрин (Хатыҥнаах);
15 үөһээ саастаах оҕолорго (19 үлэ): I м. — Алина Слепцова (Орто Халыма к.); II — Аня Винокурова (Орто Халыма к.); III — Кирсана Кудрина (Дьокуускай куорат); биһирэм бириис — Джулиана Роббек (Сылгы Ыытар);
Куонкурус кыттыылаахтарыгар, салайааччыларыгар, оҕо ускуустубатын оскуолатын учууталыгар А.Н.Гороховаҕа, оҕо уонна дьиэ кэргэн көмүскэлин тэрилтэтин иитээччитигэр Л.И.Солдатоваҕа, Сылгы Ыытартан Ж.Н.Винокуроваҕа, А.Н. Оконешниковаҕа, Т.Д. Бекреневаҕа, Өлөөкө Күөлүттэн И.Е.Ноговицинаҕа, Ю.А.Рахматуллинаҕа, Ойуһардаахтан Е.Н.Винокуроваҕа, С.И.Винокуроваҕа, К.И.Винокуроваҕа, Хатыҥнаахтан М.Н.Васильеваҕа, төрөппүттэргэ барҕа махталбытын тиэрдэбит.
Уруһуйдар быыстапкаҕа туруохтара, бастыҥ үлэлэр эрэдээксийэ таһаарар босуобуйаларыгар туһаныллыахтара.
Куонкурус кыттыылаахтара эрэдээксийэ аатыттан кыттыы иһин сэртипикээтинэн, кыайыылаахтар анал кырааматанан өйдөбүнньүк бэлэҕинэн наҕараадаланыахтара.
Ааптар: Саргылана Кокорина
Хаартыска ааптара: Алена Кокорина
