Нэһилиэгим дьонун ааттарын үйэтитэр үлэбин салҕыыр санаалаахпын

Нэһилиэкпит олоҕун, үлэһит дьонун-сэргэтин 1950-1960 сс. А.Д. Созонов, П.А.Кондаков, кэлин Е.И.Кокорин, А.А.Борщевскай, И.А.Тырылгин, Н.Н.Созонов, Д.Н.Винокуров, У.К.Созонова уо.д.а. хаартыскаҕа түһэрэн үйэтиппиттэрэ.

Билигин Н.Н.Олейникова, Н.Г.Винокурова, Е.К.Созонова, А.И.Винокурова, Л.А.Полюхова, С.Н.Стручкова, М.Г.Созонова хаартыскаҕа түһэриинэн дьарыктаналлар.

Алаһыай нэһилиэгэ тэриллибитэ 90 сылыгар анаан, «Ааспыты арыйан ааһыахха» («Листая страницы прошлого») диэн альбом тахсыбыта.  Бу альбомӊа барыта 182 хаартыска киирбитэ. Икки ый иһигэр баһаам элбэх хаартысканы бэрийэн, альбомна киирбит  хаартыска аайы дьон ааттарын, ааптарын чуолкайдааһын үлэтэ барбыта. Нэһилиэк дьаһалтата үбүлээһининэн 100 ахсаанынан тахсыбыта.

Ааспыт сыл бүтүүтэ  «Борщевский Александр Алексеевич», «Бастакы хомуурдар», «Юбилейный ысыах 1967 года», «Алаһыай нэһилиэгин култууратын драматическай кэлэктиибэ», «Улица имени Павла Созонова» альбомнар күн сирин көрбүттэрэ. Ону тэӊэ, А.С.Черняковаҕа аналлаах «Ырыабар сибэкки буолан тыллыаҕым» диэн ахтыы хомуурунньуга тахсыбыта.

Бу сыл, Анастасия Семеновна баара буоллар, 75 сааһын туолуо этэ. Хомуурунньук аҕыйах ахсаанынан бэчээттэннэ, онон атыыга тахсыбат. Кинигэм тас көстүүтүн эдэр талааннаах ыччаппыт Нюргуяна Михайловна Оконешникова оӊорон биэрбитэ. Киниэхэ хаһыат нөӊүө махталбын тиэрдэбин.

Таһаарбыт кинигэлэрбин, альбомнарбын үүммүт сылга улуус бибилэтиэкэтигэр көрдөрүүгэ (быыстапкаҕа) туруорар былааннаахпын.  Үлэлэрбин Телеграм ханаалга, улуустааҕы бибилэтиэкэҕэ көрүөххүтүн- ааҕыаххытын сөп.

Инники соруктарга Н.Н.Созонов, У.К.Созонова, Д.Н.Винокуров уо.д.а хаартыскаларынан альбомнары таһаарар баҕа санаалаахпын. Тахсыбыт альбомнарбын хаартыскаларынан киэргэппит нэһилиэгим олохтоохторугар Е.В.Оконешниковаҕа, В.И.Винокуроваҕа, В.А.Созоноваҕа, Г.А.Созоновка уо.д.а. махталбын тиэрдэбин.

Ааптар: Евдокия Кондакова, Арҕахтаах бөһ.

Читайте дальше