«Халыма долгуннара» хаһыат эрэдээксийэтэ, кэлэр 2024 сыл бастакы аҥаарыгар сурутуутун саҕалаата.
Эрэдээксийэ күн бүгүн хаһыаты кумааҕынан сурутар 394 ааҕааччылаах, WhatsApp ситимигэр — 333, Телеграм ханаалыгар — 888 сурутааччылаах. Маны сэргэ ulusmedia халымадолгуннара.рф саайка сонуннарын таһаарар.
Бу сыл эрэдээксийэ типографиятын cүрүн улахан таһаарыыларынан, Евдокия Бандерова «Олох салҕанар» 2-с ч., Анна Шадрина «Гимн славы — личности Колымы Советской» кинигэлэрэ күн сирин көрдүлэр. Маны сэргэ элбэх босуобуйа, альбом макета оҥоһуллар. Ахсаана биллибэт элбэх хаартыска, докумуон, халандаар күн аайы тиһигин быспакка бэчээттэнэр. Билигин Орто Халыма куорат 380 сылыгар аналлаах альбом тахсарыгар үлэ ыытыллар.
Маны тэҥэ «Халандаар-2024» оҥорууга сайаапка ылыы саҕаланна. Саҥа сыл халандаарыгар, сыл бэлиэтэ, эбэтэр сакаасчыт сөбүлүүр хаартыската, хартыыната иилиллиэн сөп. Хаартыска хаачыстыбатын сүтэрбэт сыалтан, флешкаҕа аҕаларгыт ирдэнэр.
Сурутууга көҕүлүүр сыалтан, үгэс быһыытынан, сэтинньи 20 — 25 күннэригэр, чэпчэтиилээх сурутуу ыытылларын туһунан иһитиннэрэбит. Чэпчэтиилээх күннэргэ сурутуу 6 ыйдааҕы төлөбүрэ — 1000 солк. тэҥнэһиэҕэ. Онон сурутааччыларбытын, ыйыллыбыт күннэргэ эрэдээксийэҕэ эбэтэр тустаах нүөмэрдэргэ эрийэн билсэргитигэр ыҥырабыт.
Билсэр нүөмэрдэргит: 841156-41436, 841156-41205, 89248722899 (Саргылана) 89241753359 (Анастасия).
Төлөбүр мобильнай баанынан, уу харчынан уонна Сбербаан каартатынан ылыллыан сөп.
Маны сэргэ үтүө аахсыйа чэрчитинэн, эрэдээксийэ 7 үлэһитэ анал байыаннай дьайыыга кытта сылдьар уолаттарбыт дьиэ кэргэттэригэр анал сурутуу олохтоото. Онон үлэ тэрилтэлэрин үтүө бачыымҥа кыттыһаргытыгар ыҥырабыт.