Биһиги хамаандабыт уопсай сомоҕо майгылаах дьон буоламмыт, куонкуруска өйөбүл, көмө баар буолан уонна айылҕаттан талааннаах иистэнньэҥ кыргыттардаах буоламмыт (Диана Белобородова, Мария Винокурова, Надежда Оконешникова, Нина Бандерова, Пелагея Данилова) үрдүгү ситистибит дии саныыбыт.
Бары бэркэ диэн билсистибит, элбэххэ үөрэннибит, доҕордостубут. Хамаандабыт аатыттан күүс-көмө буолбут, болҕомтолорун анаабыт дьоммутугар, сибэкки дьөрбөтүн бэлэх ууммут улууспут дьаһалтатыгар, махталларын биллэрбит, Аартыка министиэристибэтигэр, РФ сенаторыгар С.М.Афанасьевка, харчынан, бэлэҕинэн, сэртипикээтинэн успуонсардаабыт Марина Винокуроваҕа, Алексей Оконешниковка, Александра Явловскаяҕа, Маргарита Бандероваҕа, Светлана Татариноваҕа, дьокутааппытыгар Гаврил Алексеевка уонна Валентина Николаева кэргэнигэр, анал байыаннай дьайыы кыттыылаахтарын ааттарыттан сюрприз-бэлэх оҥорбут истиҥ махтал тылларын тиэрдэбит. Кыттыыбытын, кыайыыбытын анал байыаннай дьайыыга кытта сылдьар буойуттарбытыгар, кинилэр дьиэ кэргэттэригэр аныыбыт.
Ааптар: Варвара Третьякова, Дьокуускай к.